The Noble Qur'an Encyclopedia
Towards providing reliable exegeses and translations of the meanings of the Noble Qur'an in the world languages
The Sundering, Splitting Open [Al-Inshiqaq] - Moore Translation - Rowwad Translation Center
Surah The Sundering, Splitting Open [Al-Inshiqaq] Ayah 25 Location Maccah Number 84
Saagã sã n wa pãrge.
La a kεlg a Soabã n sɑk n tũ, la sεgda ne-a t'ɑ mɑɑn rẽ.
La Tẽngã B sã n wa yãbg-ɑ.
La a yiis bũmb ning sẽn be a pʋgẽ wã gilli, n lebg vɩʋʋgo.
La a kεlg a Soabã n sɑk n tũ, lɑ rẽ sεgda ne-a.
Foom ɑ ninsaala, fo yaa yaamsda n tʋg f Soabã nengẽ ne yaamse, n na n yεk-A
La ned ning b sẽn kõ a gaf ne ɑ rɩtgo.
B na wa n gεεl-a geel-yol-yole.
La a lebg n kẽng a zak rãmbẽ t'a sũur yaa sẽn noome.
La ned ning b sẽn kõ a gaf a poor wεεngẽ.
A na bool halkre.
La b kẽes-a Sa-ɩɩr Bugmẽ.
Ad yẽnda ra bee a zak rãmbẽ t'a sũur yaa noogo.
Ad a ra tẽedame t'a kõn n tol n lebg ye.
Pa woto ye! Ad a Soabã ra yaa Net ne-a.
M wẽen ne zaabr zĩ-sobdã (sawat miidã).
La ne yʋngo la a sẽn tigim bũmb ningã.
La ne kiuugã t'a sã n wa pidi.
Y na pɩʋʋg alhaal-rãmba.
La bõe n be ne bãmb tɩ b pa kõt sɩda.
La b sã n karemd Alkʋrãan b nengẽ, b pa maan suguud ye۩.
La neb nins sẽn kɩfl-bã yagsdame.
La Wẽnd n mi bãmb yãɑdã sẽn tigim bũmb ningã.
Bɩ f noog b sũur ne naon-zabdga.
Rẽnda neb nins sẽn kõ-b sɩda, la b tʋm sẽn sõmbã, bãmb tara rolb sẽn pa wãagde.