The Noble Qur'an Encyclopedia
Towards providing reliable exegeses and translations of the meanings of the Noble Qur'an in the world languages
Those who drag forth [An-Naziat] - Moore Translation - Rowwad Translation Center
Surah Those who drag forth [An-Naziat] Ayah 46 Location Maccah Number 79
M wẽen ne malεgs nins sẽn võogd kɩfr-dãmbã yõyã pãng-pãngã.
La ne [malεgs nins] sẽn reegd sɩd-kõtbã yõyã yol-yolã.
La ne sigdbã tɩ b yaa sẽn laande.
La ne põsdbã sẽn rengd taab n na mɑɑn Wẽnd sɑglgã.
La ne mɑlεgs nins sẽn yikd ne Wẽnd sɑglsã m mɑɑnd-bɑ.
Raar ning rĩmsgã sẽn na n rĩmsã (Baorgã fʋʋs raẽengã).
Tɩ fʋʋsg a yiibẽ soabã pʋgl-a.
Baraare sũy n rigimdidi.
B ninã yaa sẽn nodge.
B yetame: "rẽ yĩnga b na n lebs-d-la yiibã zĩigẽ (dũni)."
Tɩ tõnd sã n wa lebg kõab sẽn weele.
B yetame: "rẽnda yaa bõn lebgre".
La ad yẽnda yaa tãs-vuk bala.
Tɩ bãmb yaa sẽn be vʋʋgr n be rasempʋɩɩgẽ wã.
Rẽ yĩngã a Musa kibarã waa fo nengẽ?
Wakat ning a Soabã sẽn wa n boaal-a Ṭuuwaa koso-yɩlengẽ wã.
Kẽng a Fɩr-ʿaoon nengẽ, bala a kedgame.
N tɩ yεεl-a "rẽ yĩnga f na sak n yɩlg f menga?"
Tɩ m peeg-f n tʋg f Soabẽ wã tɩ f yaees-A .
T'a wilg-a yel-soalem bεdã.
T'a yags la a kɩɩse.
Rẽ poorẽ, a gũda a kuidg n fãeesdẽ.
N tʋg n tigim ɑ tãpã n moone.
N yeele: "Maam la yãmb soaben-zẽkdgã".
Tɩ Wẽnd wẽbg-a ne Yaoolem la Dũni naongã.
Ad tags-gεsg be rẽnda pʋgẽ ne ned ning sẽn yaeesda.
Rẽ yĩnga yãmb naaneg n yɩɩd keelem bɩ yaa saagã? Wẽnd sẽn me-a wã.
A zẽka a beoongã n zems a taaba.
N sobg a yʋngã la A vẽneg a wĩndgã.
La Tẽngã, rẽ poorẽ lɑ A yɑdg-a.
A yiisa a pʋgẽ a koomã la a yamdã.
La tãmsã, A sel-b (tilg-b) lame.
Yaa wʋm-noog ne yãmb la y rũmsã.
La yel-bed-kεgengã sã n wa( bɑrgã fʋʋs yɩlengã).
Raar ning ninsaal sẽn na n tagsd bũmb ning a sẽn tʋmã.
Tɩ b vẽneg Gεhɩɩm ne net fãa.
La ned ning sẽn maana n zʋʋge.
La a yɩɩs Dũni vɩɩmã.
Bɩ f bãng tɩ yaa Gεhɩɩm la a gãag zĩiga.
La sã n yaa ned ning sẽn yaees a Soabã ziiri, la a gɩdg yõorã n yi ɑ yamleoogo.
Bɩ f bãng tɩ Arzãn la a gãag zĩiga.
B sokda foo dũni yikr yelle, a yɩɩbã yaa rabʋre?
Bõe la fo mi a pʋgẽ n nɑ n togse?
A bãngrã gill bee ne fo Soabã.
Ad fo yaa bugsd ne ned ning sẽn yaeesd-a.
Raar ning b sẽn na n yã-a wã, yaa wala bãmb pa zĩnd dũni sã n pa zaabr bala, maa yibeoogo.