Juz'
25
(47) Xagiisaana loo celiyaa
ogida Saacadda (Qiyaame)
midhana kama
soobaxaan Sabuulkooda, mana uuroobo Dhadig mana dhalo ogaanshaha Eebe la'aantiiis,
Maalintuu ku dhihi away kuwaad ila wadaajiseenna waxay dhihi waxaan ku
ogaysiinnay Nagamidma aha Ruux marag furi arintaas. (48)
Waxaa ka dhumey waxay ahaayeen kuwo (baryo) caabuda horey, waxayna yaqiinsadeen inuusan u sugnaan
gargaare. (49) Dadku kama daalo baryada khayrka,
hadduu taabto sharra wuu quusasha badanyahay. (50)
Haddaan dhadhansiinno naxariis xagganaga ka timid dhib taabtay kadib, wuxuu
dhahaa kan anaa iska leh mana u maleeynaayo inay Saacadda (qiyaame) kici, haddii layceliyo Eebahayna waxaan ku leeyahay
agtiisa wanaag, dhab ahaan baan ugu warranmeynaa kuwii Gaaloobey waxay camal
faleen, waxaana dhabahaan u dhadhansiinaynaa Cadaab daran. (51)
Markaan unicmeyno Dadka wuu jeedsadaa oo is dadbaa (daacadduu
ka tagaa) markuu taabto dhibna wuxuu soo baxaa
isagoo baryo badan. (52) Waxaad ku
dhahdaa bal kawarrama hadduu Quraankani xaga Eebe ka yimid markaas aad ka
Gaaloowdaan yaa ka baadi badan Ruux Gaalnimo iyo khilaaf fog ku sugan. (53) Waxaanu ku tusin aayaadkanaga jahooyinka iyo Naftooda
intey uga caddaato inuu Quraanku xaq yahay, miyuuna ku filleyn inuu waxkaste
ogyahay. (54) Waxayna Gaaladu kaga suganyihiin
shaki lakulanka Eebe, Eebana waxkasta wuu koobay.
Ash-Shura
Makkan
Magaca Eebe yaan kubillaabaynaa ee Naxariis guud iyo mid
gaaraba Naxariista.
(1) Waxay ku tusin mucjisada
Quraanka. (2) Sidoo kale. (3)
Sida waxyiga laguugu soodajiyey Nabiyoow yaa Nabiyadii horana loogu waxyooday,
waxaana waxyooda Eebaha adkaada ee falka san. (4)
Waxaa u sugnaaday waxa Samada iyo Dhulka ku sugan, Eebana waa sarreeyaha weyn. (5) Waxay u dhawdahay Samooyinku inay ku dildillaacaan
korkooda, Malaa'igtuna waxau ku tasbiixsan mahadda Eebahood, waxayna u
dambidhaaf warsan kuwadhulka ku sugan (Dadka) Eebana waa dambidhaafe Naxariista. (6)
Kuwa yeeshay Eebe ka sokoow owliyo Eebe waa ogyahay korkooda (wuu daalacay) adiguna kama tihid wakiil. (7) (Sidaan ugu waxyoonay Nabiyadii hore) yaan
adigana Nabiyow kuugu waxyoonay Quraan Carabi ah saad ugu digtid Ree Makaad iyo
wax ka hareereeya (dadka kale) ugana digtid maalinta kulanka (Qiyaamada) shaki male Maalintaas, kooxi Jannay gali kooxna Jaxiimo. (8) Hadduu doono Eebe wuxuu ka yeeli lahaa dadka umad
kaliya, laakiin wuxuu galiyaa cidduu doono naxariistiisa, daalimiintuna ma
helaan sokeeye iyo Gargaare midna. (9) Mise waxay
yeesheen Gaaladii Eebe ka sokow awliyo (ay caabudaan) Eebe umbaa wali ah, isagaana nooleeya wixii dhintay,
isagaana wax walba kara. (10) Waxaad isku
khilaaftaan oo shay ah Eebaa leh xukunkiisa (loo
celin) kaasina waa Eebaha i barbaariya,
isagaana tala saartaa, xaggiisaana u noqon. (11)
Isagaa abuuray Samooyinka iyo dhulka idiinkana yeelay naftiinna noocyo (Lab iyo Dhaddig) xoolahana idiinka
yeelay Noocyo, wuuna idin abuuraa wax la mid ahna ma jiro, waana maqle arka. (12) Isagaa iska leh xukunka Samooyinka iyo Dhulka, wuuna u
fidiyaa Rizqiga ruuxuu doono, wuxuuna ku cidhiidhyaa Cidduu doono, wax walbana
waa ogyahay. (13) Wuxuuna idiin jideeyey xagga Diinta
wuxuu u dardaarmay (Nabi) Nuux iyo kaan kuu Waxyoonay adiga iyo waxaan u dardaaranay
(Nabi) Ibrahiim (Nabi) Muuse iyo (Nabi) Ciise inay oogaan
Diinta aydaan kuna kala tagin dhexdiisa, waxaa ku waynaaday Gaalada waxaad ugu
yeedhi, Eebaa u doorta xaggiisa Cidduu doono una hanuuniya xaggiisa cidduu
hanuunin. (14) Mana kala tagin markuu u yimid
cilmigu ka dib mooyee, dulmi iyo xasad dartiis, hadayana jirin kalimo Eebahaa
ka hormartay oo tan iyo muddo magacaaban (in lasugo) waxaa lakala xukmin lahaa dhexdooda, kuwii la dhaxalsiiyey
Kitaabka kadib waxay ku suganyihiin shaki daran. (15)
Waxaas dartiis ugu yeedh Dadka, utoosnawna sidii lagu faray, hana raacin
hawadooda, waxaadna dhahdaa waxaan rumeeyey waxa Eebe soo dajiyey oo Kitaab ah,
waxaana lay faray inaan u caddaalo falo dhexdiina, Eebana waa Rabbiganno iyo Rabbigiin,
waxaa noo sugnaaday waxaan camal fallo, idinkana waxaa idiinsugnaaday waxaad
camal fashaan, doodina inama dhextaallo Eebaa kulmin dhexdeena xaggiisaana loo
ahaan. (16) Kuwa ku doodaya Eebe intaa la
ajiibay kadib xujadoodu waa baadil Eebe agtiisa, korkoodana cadhaa ah, waxaana
usugnaaday Cadaab daran, (17) Eebe waa kan u dajiyey Kitaabka
si xaq ah iyo miisaan. (caddaalada) mana ogid waxay mudantahay in sacaadda (Qiyaame) dhawdahay. (18) Waxaa dadajista saacadda kuwaan rumeynin iyafa, kuwa rumeeyayna
way ka cabsadaan xaggeeda waxayna ogyihiin inay xaq tahay kuwa ku murmi
saacaddana waxay ku suganyihiin baadi cad. (19) Eebe waa u
naxariisbadanaha addoomadiisa wuxuuna arzuqaa cidduu doono, waana xoogbadane
adkaade ah. (20) Ruuxii dooni camalka aakhiro waan u
siyadinaa camalkiisa, Ruuxiise ah mid dooni camal adduunyo waan ka siinaa
xaggeeda, kumana leh aakhiro wax nasiib ah. (21)
Mise waxay leeyihiin Gaaladu shurako Eebe oo u Jideeyey diin iyo (xukun) aan Eebe idmin
haddayna jirin kalimadda kala bixinta (qiyaamada) waa la kala xukumi lahaa dhexdooda, daalimiintana waxaa u
sugnaaday cadaab daran. (22) Waxaad arkeysaa
daalimiinta oo ka cabsan waxay kasbadeen, wuuna ku dhici korkooda, kuwa
rumeeyey xaqse oo camalfiican falay waxay gali Beero Janno, waxayna ku
leeyihiin waxay doonaan Eebe agtiisa, taasina waa fadli weyn. (23) kaasi waa midka ugu bishaareyn Eebe addoomihiisa ah
kuwa rumeeyey (xaqa)
camal fiicanna falay, waxaadna dhahdaa Nabiyooy maydin warsanaayo ujuuro xaqa
gaadhsiintiisa oon ahayn jacayl qaraabanimo, ruuxii kasbada wanaagna waxaannu u
siyaadin wanaag, Eebana waa dambidhaafe mahdiyo. (24)
mise waxay dhihi wuxuu ku been abuurtay Eebe, hadduu doono Eebe wuxuu dabooli
lahaa qalbigaaga, wuxuuna tiraa Eebe xumaanta xaqana wuxuu ku sugaa kalimadiisa
(quraanka) Eebana waa ogyahay
waxa laabta kusugan. (25) Eebana waa kan aqbala loobada
addoomadiisa, kana dhaafa xumaanta ogna Waxaad falaysaan. (26)
Ee (Eebana) wuxuu ajiibaa kuwa
rumeeyey xaqa oo camal fiican falay wuxuuna u siyaadiyaa fadligiisa, gaalana
waxaa usugnaaday cadaab daran. (27) Hadduu Eebe
ufidiyo (waasiciyo)
rizqiga addoomadiisa waxay ku kibri lahaayeen dhulka wuxuuse u soodajin
qadarkuu doono, Eebana addoomadiisa wuu ogyahay uu arkaa. (28)
Eebana waa kan
soo dajiya Roobka intay quustaan kadib fidiyana naxariistiisa, waana Eebaha
waliga ah (gargare) ee
la mahdiyo. (29) Calaamooyinkiisa waxaa ka mid ah
Abuuridda Samooyinka iyo Dhulka iyo wuxuu ku fidiyay (ku
abuuray) dhexdooda oo socda, Eebana inuu soo
kulmiyo dhammaantood markuu doono wuu karaa. (30)
Wixii idinku dhaca oo musiiba ah (dhib ah) waa waxay kasbadeen Gacmihiinu, wuxuuna idinka cafiyaa (Eebe) wax badan. (31) Mana tihidin kuwo Eebe ku daaliya dhulka dhexdiisa,
idiimana sugnaanin isaga ka sokoow Wali iyo Gargaare midna. (32) Calaamooyinka Eebe waxaa ka mid ah Maraakiibta (socota) Badda iyadood
moodo buuro. (33) Hadduu doono (Eebe) wuxuu xasiliyaa (joojiyaa) Dabaysha markaasay fadhiistaan Biyaha korkooda, taasina
waxaa ugu sugan calaamo ruux kastoo samir iyo mahad badan. (34)
Hadduu doonana (Eebe) wuu
halaaga Doomaha waxay kasbadeen darteed wax badanna wuu ka cafiyaa. (35) Waxayna ogaan kuwa ku murmi aayaadkanaga inuusan u
sugnaanin meeley magan galaan. (36) Wixii laydiin siiyo
oo wax ah waa uun nolasha dhaw raaxadeeda waxa Eebe agtiisa ah yaase u
khayrbadan una hadhid badan kuwa rumeeyey (xaqa) Eebehoodna tala saarta. (37)
kuwaasi waa kuwa ka fogaada dambiga waaweyn iyo xumaanta, markey cadhoodaanna u
Cafiya (u dhaafa). (38) Waana kuwa ajiibay (maqlay) Eebahood oogayna Salaadda amarkooduna tashi yahay
dhexdooda waxaan ku arzaaqnayna wax ka bixiya. (39)
Waana kuwa marka gardarro (iyo dulmi) ku dhaco gargaarta (iska celiya). (40) Xumaan
abaalkeeduna waa ku abaal marin mid lamid ah Ruuxiise iska cafiya oo wanaajiya
ajrigiisa Eebaa siin, Eebana ma jecla daalimiinta. (41)
Ruuxiigargaarta inta la dulmiyey ka dib kuwaas korkooda wax masaarro (jid lagumaleh). (42) Waxaase dhib saaranyahay uun (jid
laguleeyahay) kuwa dulmiya Dadka kuna kibra Dhulka
xaq daro, kuwaas waxaa u sugnaaday cadaabdaran. (43)
Ruuxii samra oo iska cafiya taasi waa arrin loo qasdo (la
jecelyahay). (44) Ruxii Eebe
dhumiyo ma helo sokeeye gadaashiis, waxaadna arkeysaa daalimiintu markey arkaan
cadaabka iyagoo leh ma suroobi karaa waddo (hab) loogu noqdo adduunkii. (45)
Waxadna arkeysaa iyagoo loo bandhigi Naarta, oo la khushuucsan dulli, kana dayi
wax si Qarsoon, waxayna dhaheen kuwii rumeeyey (xaqa) kuwa khasaaray waa kuwa khasaariyey naftooda iyo ehelkooda
Maalinta Qiyaame, daalimiintuna waxay gali cadaab joogta ah. (46) Umana sugnaan awliyo (sokeeye) ugargaara Eeve ka sokoow ruux Eebe qaddaray dhumidiisana
jid uma sugnaanin (uu ku tooso). (47) Ajiiba (maqla) Eebihiin ka hor
imaatin maalin aan laga celinkarin Eebe, idiinmama sugnaanayo wax la magangalo,
Maalintaas, idiinmana sugna gargaare. (48) Haday
jeedsadaane kuuma aanaan dirin inaad ilaaliso korkooda, korkaaga ma aha waxaan
gaadhsiin ahayn, markaan dhadhansiino Dadkana naxariis way farxaan «si kibir
ah», hadday ku dhacdo xumaan waxay Gacmahoodu hor marsadeen darteed dadkii
aadbuu u Gaaloobaa. (49) Eebaa iska leh
xukunka Samooyinka iyo Dhulka, wuxuuna abuuraa wuxuu doono, wuxuu siiyaa cidduu
doono gabdho, cidna wuxuu siiyaa Wiilal. (50) Ama wuu isku
lamaaneeyaa Wiilal iyo Gabdho, ruuxuu doonana wuxuu ka yeelaa Mandhaleys Eebana
wax og, karana. (51) Uma suurawdo Dad inuu Eebe la hadlo
waxyi mooyee, ama kala hadlo xijaab gadaashiis, ama uu u soo diro farriin (Malag), oo markaas ugu
waxyooda idamka Eebe wuxuu doono, Eebana waa sarreeye falsan. (52) Saasaannu kuugu waxyoonay nolol amarkanaga ah (Quraanka) maadan aqoonin
Kitaab wuxuu yahay iyo Iimaan midna, laakiin waxaan ka yeellay Nuur aannu ku hanuunino
ciddaan doono oo addoomadanada ka mid ah, adiguna Nabiyow waxaad ku hanuunin
jidka toosan. (53) Jidka Eebaha iska leh xukunka waxa
Samooyinka iyo Dhulka ku sugan xagga Eebeyna u ahaan umuuruhu.
Az-Zukhruf
Makkan
Magaca Eebe yaan kubillaabaynaa ee Naxariis guud iyo mid
gaaraba Naxariista.
(1) Mucjisada Quraankay ku tusin. (2) Waxaan ku dhaartay Kitaabka (Quraanka) cade (muuqda) ee. (3) annagaa ka yeelley Quraan Carabi ku soo
dagay, inaad kastaan darteed. (4) Wuxuuna ku
suganyahay Kitaabka asalkiisa (Looxul
maxfuudka) agtiisa, waana sarreeyaa Quraanku falna
sanyahay. (5) Ma waxaan Quraanka idiinka haysanaynaa (daysanayna) inaad tihiin
qoom ku xadgudbay xumaanta. (6) Badanaa intaan
udiray Nabi kuwii hore. (7) Nabi uma
yimaado Gaaladii hadii kale way ku jees jeesi jireen. (8) Waxaana halaagnay kuwo ka xoogbadan
qabasho waxaana tagay (hor maray) tusaalihii kuwii horreeyey (ee halaaga ahaa). (9) Haddaad
warsato Gaalada yaa abuuray Samooyinka iyo dhulka waxay odhan waxaa abuuray
Eebaha adkaada ee wax walba og. (10) Waana Eebaha
idiin kayeeley dhulka gogol idiinkana yeeleydhexdiisa Wadooyin si aad ugu
hanuuntaan (toostaan). (11) Waana Eebaha
ka soo dajiyey Samada Biyo qadaran oon ku noolayno Magaalo dhimatay, saasaana
leydiin soobixin. (12) Waana Eebaha abuuray
noocyada dhamaantood idiinkana yeeley Maraakiibta iyo Xoolaha waxaad kortaan. (13) Inaad ku ekaataan dhabarkeeda markaas
aad xusuusataan Nicmada Eebihiin markaad ku ekaataan ood dhahdaan waxaa nasahan
Eebaha noosahley tan mana nihin kuwo kara leyligeeda. (14) Anaguna xagga Eebahanno yaannu u
gadoomeynaa. (15) Waxay uga
yeeleen Eebe addoomadiisa qayb, Dadkuna waa gaaloow badane cad. (16) Miyuu ka yeeshay Eebe wuxuu abuuray
qarkood Gabdho, oo idiin doorey Wiilal. (17) Marka loogu
bishaareeyo midkood wuxuu Eebaha Raxmaana uga yeeley tusaale, wuxuu noqdaa
wajigiisu mid madow oo walbahaarsan. (18) Ma Eebey u
yeeleen wax ku barbaara isqurxin, oon doodna caddayn karin. (19) Waxay ka yeeleen Malaa'igta ah addoomada
Eebaha Raxmaan ah dhadig, miyey joogeen abuurkoodii, waan qoreynaa maragooda
waana la warsan (waxaas). (20) Waxay dhaheen
hadduu doono Eebaha Raxmaan ah maanaan caabudneen waxkale ugumana sugnaanin wax
cilmi ah arrintaas, waxaan beensheegayaal ahayna ma aha. (21) Mise waxaan siinay Kitaab ka horreyey (quraanka) oy haystaan
isagaas. (22) Waxaybase dhaheen waxaan bellay
Abbayowganoo jid ku socda anaguna iyaga raadkoodii yaan ku hanuunsanahay. (23) Waa saasoo kale umaanaandirin Magaalo
hortaa u dige haddii kale waxa dhihi Jireen kuwa raaxaystay anagu waxaan hellay
Aabayoowganoo jid ku sugan anaguna raadkooda yaan ku dayanaynaa. (24) Waxaad dhahdaa (ma waxaad raaxaysaan waxaas) haddaan idiinla imaado wax ka hanuunsan
waxaad ka hesheen Aabayaalkiin (oo ku sugan) waxay dhihi annagu waxa laydiin ku soo
diray waannu ka Gaalownay. (25) Markaasaan ka
aarsanay, bal day siday noqotay cidhibtii beeniyayaasha (xaqa). (26) Xusa Markuu ku yidhi (nabi) Ibraahim
Aabihiis iyo Qoomkiisii anigu waxaan bari
ka ahay waxaad caabudaysaan. (27) Waxaanse
caabudi Eebaha I abuuray isagaana i hanuunin. (28) Wuxuuna
kayeelay Kalimada (tawxiidka) tii ku baaqi ah Faraca Ibraahiim si ay
xaqa ugu noqdaan. (29) Saas ma aha ee
waan u raaxeeyey kuwaas iyo Aabbayaalkood intuu uga yimaado xaqu iyo Rasuul cad
(oo muuqda). (30) Markuu u yimid xaqii waxay dhaheen kan waa sixir annaguna
waannu ka Gaalownay. (31) Waxay dhaheen
gaaladii maxaa loogu dajin waayey Quraankan mid ka mid ah labada Magaalo ee
weyn. (32) Miyagaa qaybin Naxariista Eebahaa anagaa
u qaybina dhexdeeda rizqigooda nolosha adduunyo waana ka kor yeelay qaarkood
qaarka kale darajooyin, si leysugu shaqeeyo, Naxariista Eebahaa yaa ka
khayrbadan waxay kulmin. (33) Hadduusan
Dadku noqoneyn umad kaliya (Gaalimada) waxaan uga yeelilahayn kuwa ka Gaalooba
Eebe guryahooda Saanqaag Fidlo ah iyo Sallaano Fidla ah, oy ku koraan. (34) Guryhoodana waxaan uga yeeli lahayn
Albaabyo iyo Sariiro ay ku dangiigsadaan oo fidla ah. (35) Iyo Dahab, waxaas dhamaantiisana waxaan
raaxada nolasha dhaw ahayn ma aha, aakhiraase u ah Eebe agtiisa kuwa dhawrsada.
(36) Ruuxii ka jeedsada «aragheela» xuska
Eebahaa Raxmaan ah (Quraanka) waxaannu la xidhiidhinaa shaydaan oo
saaxiib u noqon. (37) Shayaadiintuna
waxay ka leexin Jidka (xaqa) waxayna isu maleyn inay hanuunsanyihiin (toosan yihiin). (38) Markuu nooyimaaddo (Gaalku Qiyaamada) waxuu ku dhahaa (Shaydaanku) shaleytee mey
dhexdeenna ahaato «wax la mid ah» fogaanshaha qorrax ka soobax iyo u dhaca,
adaana u xun Saaxiib. (39) Wax idiinma
tarayso Maanta haddaad dulmi fasheen inaad cadaab wadaagtaan (ku kulantaan). (40) Ma adaa wax maqashiin kara wax ma maqle,
ma adaase hanuunin Kara (toosin kara) wax ma arke iyo cid ku sugan baadi cad. (41) Haddaan kulatagno adiga ku (oofsano) anaga uunbaa
ka aarsan Gaalada. (42) Haddaan ku
tusino waxaan u yaboohnayoo cadaab ah, waanu karraa korkooda. (43) Ee qabso waxa laguu waxyooday Nabiyow
waxaad ku sugantahay Jid toosan. (44) Quraankuna
sharaf buu u yahay adiga iyo qoomkaagaba, waana leydin warsan doonaa. (45) Warso kuwaan dirray ee kaa horeeyey oo
Rasuuladanada ka mid ahaa inaan yeellay Eebaha Raxmaana Kasoboow Ilaahyaal la
caabudo. (46) Dhab ahaan yaan ugu dirray Nabi Muuse
isagoo wata aayaadkanaga xaga Fircoon iyo Jamaacadiisa, wuxuu yidhi anigu
waxaan ahay Rasuulkii Eebaha Caalamka. (47) Markuu
ulayimid aayadkanaga waxay noqdeen kuwo ku qosla. (48) Ma tusino
aayad haddii kale wey ka weyntahay walaasheed (tan kale) waxaana ku qabanay cadaab inay noqdaan
darteed. (49) Waxay dhaheen kan
Saaxirka (Caalimka) ahaw (Muuse) noo bari Eebahaa wuxuu kugula
ballantamay wanagu waan hanuuneynaaye. (50) Markaan ka
faydnay xaggooda cadaabkii waxay soo bexeen kuwo buriya (ballankii). (51) Wuu u dhawaaqay Fircoon Qoomkiisii wuxuu
yidhi miyuusan ii sugnaan xukunka Masar, iyo Wabiyadan socota hoostayda,
miyeydaan wax arkaynin. (52) Saw anagu kama
khayroonin kan
dulleysan een karayn waxcaddayn (Nabi Muuse). (53) Maxaa loogu
soo tuuriwaayey Jijimooyin Dahab ah, ama maxay ula imaan wayday Malaa'ig israac
raacsan. (54) Wuxuu fudaysaday (Fircoon) qoomkiisii
wayna adeeceen waxayna ahaayeen Qoom faasiqiin ah. (55) Markey nacadha
galiyeenna waan ka aarsanay xaggooda, waana maanshaynay dhamaan. (56) Waxaan ka yeeley waano iyo tusaaale
Dadka dambe. (57) Markaan uga
yeellay ina maryama (Ciise) tusaale, markaasay qoomkaagu Nabiyow ka
jeedsadaan. (58) Waxayna dheheen
ma Ilaahyadanaa khayr roon mise isaga, mayna kuugu qadarin tusaale muran
mooyee, waana qoom dood badan. (59) Wax kale ma
aha Ciise ee waa uun addoon aan u Nicmaynay ugana yeellay tusaale ree Bani
Israa'iil. (60) Haddaan doono
waxaan idiinka yeelilahayn Malaa'ig badalkiina Dhulka u hadha. (61) Nabi Ciisana waa calaamadda Saacadda (Qiyaame) ee ha
shakiyina, ina raaca kaasaa ah jidka toosane. (62) Yuuna idinka
leexinin Shaydaan (Jidka) wuxuu idiin yahay Col cade. (63) Markuu
ulayimid Ciise xujooyin wuxuu ku yidhi waxaan idiin la imid xikmad iyo inaan
idiin cadeeyo waxaad isku diidantihiin qaarkiis ee ka dhawrsada Eebe ina
adeeca. (64) Eebe isagaa ah Eebahay iyo Eebihiinba ee
caabuda taasaa ah jidka toosane. (65) Wayse is
khilaafeen Xisbiyadii dhexdooda halaagna wuxuu u sugnaaday kuwii dulmi falay
Cadaab Maalin daran xageed. (66) Miyey sugi (Gaaladaasi) waxaan
saacadda (qiyaame) ahayn inay ugu
timaado si kado ah iyagoon ogayn. (67) Saaxiibadu
Maalinta Qiyaame qaarkood qaarka (kale) waa u col kuwa dhawrsaday mooyee (Mu'miniinta). (68) (Waxaana loo
odhon) addoomadaydoow korkiina cabsi ma aha
Maanta mana murugoonaysaan. (69) Waana kuwa
rumeeyey Aayaadkanaga oo ahaa Muslimiinta. (70) (Waxaana lagu dhihi) gala Janada idinkiyo Haweenkiinna (iyo kuwa idin la midka ah) idinkoo laydiin Nicmeeyey (laydin kana farxin). (71) Waxaana lala
korsocon Weelal (Saxamo) Dahab ah iyo Koobab, waxayna ka heli (Jannada) dhexdeeda
waxay doonto Naftu kuna raaxaystaan Indhuhu idinkoo dhexdeeda ku waari. (72) Taasina waa janadii aad ku dhaxasheen
waxaad camalfalayseen. (73) Waxaadna ku
leedihiin dhexdeeda Faakiho badan ood xaggeeda wax ka cuntaan. (74) Dambiilayaashu waxay gali cadaabka
jahanamo iyagoo ku waari. (75) Lagamana
fudaydiyo dhexdiiseyna ku quustaan (aamusaanna). (76) Manaan
dulmiyin hasa yeeshee iyagaa dulmiilayaal ahaa. (77) Waxayna u
dhawaaqi Maalig (Malaga Naarta) iyagoo dhihi Eebahaa ha nadilo markaasuu
dhahaa idinku waas kuwaaraysaan (naarta). (78) Dhab ahaanbaan
idiin la nimid xaq hasa yeeshee badankiin xaquu nacay. (79) Ma waxbayse gooyeen Gaaladu oo amar ah (dhibka Nabiga) anaguna
waxbaan goynaynaa (ciqaabtooda). (80) Mise waxay
umaleeyeen inaanaan maqlayn qarsoodigooda iyo muujintoodaba, saas ma ah ee
Mala'igtanadaa agtooda wax ku qoro. (81) Waxaad dhahdaa
Nabiyow haddii Eebaha Raxmaan ah usugnaado Ilmo anaa u hor caabudilahaa. (82) Waxaa ka nasahan Eebaha Samooyinka iyo
Dhulka ee Eebaha Carshiga ah waxay ku timaamaan. (83) Ee katag ha
dhunbadeen (xumaanta) hana ciyaareen intay kala kulmaan
maalintoodii loo yaboohaye. (84) Eebe waa
macbuudka Samada iyo macbuudka Dhulka, waana falsame wax og. (85) Waxaana barako badnaaday (sarreeyeyna) Eebaha iska
leh xukunka Samooyinka iyo dhulka iyo waxa u dhaxeeya, agtiisaana ah ogaanshaha
Saacadda (Qiyaame) xaggiisaana
laydiin celin. (86) Mana hantaan
kuway caabudeen Eebe ka sokow wax shafeeca ah hasayeeshee ciddii xaqa qirta
iyagoo og (waxbay ushafeeci idanka Eebe ka dib). (87) Haddaad
warsato Gaalada yaa abuuray waxay dhihi Eebe ee xaggee loo iili. (88) Nabiguna wuxuu yidhi: Eeboow kuwani waa
qoom aan rumaynayn (xaqa). (89) Iska saamax
waxaadna dhahdaa Nabadgalyo, way ogaandoonaan (waxa ku dhacee).
Ad-Dukhaan
Makkan
Magaca Eebe yaan kubillaabaynaa ee Naxariis guud iyo mid
gaaraba Naxariista.
(1) Waannu sheegnay iyadoo
kale. (2) Waxaan ku dhaartay Kitaabka Cade (Quraanka). (3) Anagaa dejinay Quraanka Habeen barakeysan (Layletulqadar) anagaana wax u
digi. (4) Habeenkaasaana la kala bixiyaa amar
kastoo xigmo leh. (5) Waana amar
agtanada ka ahaaday, anagaana wax dirra (Rasuulo). (6) Naxariis ka
ahaater xagga Eebahaa, Eebaana wax maqle ah wax og. (7)
Waana Eebaha samooyiinka iyo Dhulka iyo waxa u dhaxeeya haddaad
yaqiinsanaysaan. (8) Ilaahay mooyee Eebe kalane ma
jiro, isagaa wax nooleeya waxna dila, waana Eebihiina iyo Eebaha Aabbayaalkiinii
horreeyey. (9) Waxayse ku suganyihiin shaki wayna
ciyaari. (10) Ee sug Maalinta uu ku imaan Cirku
qiiq muuqda (isagoo ku dheehan). (11) Oo dabooli Dadka kaasina waa cadaab daran. (12) Waxayna dheheen Eebow naga fayd cadaabka waxaan nahay
Mu'miniine. (13) Goormay waantoobi isagoos u yimid
Rasuul cad «muuqda». (14) Markaasay ka,
jeedsadeen Nabiga waxayna dheheen waa waxlabare waalan. (15)
Anagu waxaan idiinka faydaynaa cadaabka wax yar idinkuna waxaad ku noqonaysaan
xumaanta. (16) Maalintaan qabanayno qabashada wayn
(Qiyaamada) (ama Badar) waanu aarsan. (17) Dhab ahaanbaan Imtixaanay hortood qoomkii Fircoon,
waxaana u yimid Rasuul sharaf leh. (18) Isagoo dhihi
iidhiiba addoomada Eebe (ama maqalka) waxaan idiin ahay Rasuul aamin ah. (19)
Hana iska wayneynina Eebe waxaan idiin la imid xujo cade. (20)
Waxaana ka magangalay Eebahay iyo Eebihiin inaad idhagaxyeysaan. (21) Ee hadaydaan i rumeyn iga fogaada (idaaya). (22) wuxuuna u
qaylyey Eebihiis in kuwaasu yihiin Qoom dambiila yaal ah. (23)
guuri addoomadayda Habeenimo, waa laydin raaciye. (24)
kana tag badda iyadoo xasilloon oo furan iyagu waa col la maanshayne. (25) imisey ka tageen Beero iyo Ilo. (26)
iyo Tallaal iyo meel sharaf leh. (27) iyo Nicmooyin
ay ku raaxaysanayeen. (28) xaalkuna waa saas,
waxaana dhaxalsiinay qoom kale. (29) uma ooyin
samada iyo Dhulku korkooda, lamana sugin. (30) waana ka
korinay ree Bani Israa'iil cadaab wax duleeya. (31) (Fircoombaan ka korinay) wuxuuna ahaa isla
weyne xadgudbayaasha ka mid ah. (32) waxaana ka dooranay
(dadkii waqtigoodii) anagoo og. (33) waxaana siinay aayado imtixaan cad kusuganyahay. (34) kuwaasi (Gaaladu) waxay dhihi. (35) arrintu ma aha
geerida hore mooyee, mana nihin kuwo la soobixin. (36)
noo keena aabayowgano haddaad run sheegaysaan. (37)
miyagaa khayr roon mise qoomkii Tubax iyo kuwii ka horreeyey waan halaagnay
waxayna ahaayeen dambiilayaal. (38) Samooyinka iyo
Dhulka iyo waxa u dhaxeeya umaanaan abuurin ciyaar. (39)
mana aanaan u abuurin wax aan xaq ahayn hasa yeeshee badankood ma oga. (40) maalinta kala bixinta yaa ballan u ah dhamaan. (41) waana Maalintaan Qaraabanimo waxba laysugu tarayn
laysuna gargaarayn. (42) cid Eebe u
naxariisto mooyee, illeen waz adkaade naxariistee. (43)
Geedka Zaquumka ah. (44) waa cunnada
dambi badanaha. (45) waana Laami oo kale kuna kari
Caloosha. (46) sida Xamiimka (Kulayl
daran) oo kale. (47) (waxaana lagu dhihi) qabta Gaalka una
Jiida Jaximo dhexdeeda. (48) markaas ku
shuba Madaxiisa korkiisa cadaab kulul. (49) (waxaana lagu dhihi) dhadhami (Cadaabka) waxaad tahay
adkaade sharaflehe. (50) kaasina waa
kaad ahaydeen kuwo shakiya (Cadaabka). (51) kuwa
dhawrsadana waxay kusugnaan meel aamin ah. (52) Jannooyin iyo
Ilo (yey kusugnaan). (53) waxayna xidhan Xariir jilicsan iyo mid adag (oo dhalaali) wayna is qaabili. (54) saasoo kale waxaa usugnaaday Haween Indho waaweyn. (55) waxayna uyeedhan Janada dhexdeeda Khudaar kasa iyagoo
aamin ah. (56) mana ku dhadhamiyaan Jannada
dhexdeeda Geeri, Geeridii hore mooyee wuxuuna ka dhawray (Eebe) Cadaabka Jaxiimo. (57) waana fadliga
Eebahaa, taasina waa liibaanta wayn. (58) waxaan ugu
fududaynay Quraanka Carrabkaaga inay waantoobaan. (59)
ee sug iyaguna way sugiye.
Al-Jaathiya
Makkan
Magaca Eebe yaan kubillaabaynaa ee Naxariis guud iyo mid
gaaraba Naxariista.
(1) waa soo hormaray
macnaheedu. (2) soo dajinta Kitaabka (Quraanka) ah wuxuu ka
ahaaday Eebaha adkaada iyo falkan san. (3) Samooyinka iyo
Dhulka dhexdiisana aayadbaa ugu sugan Mu'miniinta. (4)
abuurkiinna iyo waxa Eebe ku fidin «abuuri» Dhulka oo wax socda ah aayaadbaa ugu
sugan ciddii wax yaqiinsan. (5) iskhilaafka
Habeenka iyo Maalinta iyo waxa Eebe ka soodajiyey Samada oo Rizqi ah oo ku
nooleeyo Dhulka intuu dhintay ka dib iyo gagadoonka Dabaylaha waxaa ugu sugan
aayaad ciddii wax kasi. (6) taasi waa
aayaadka Eebe aan ku akhriyeyno korkaaga si xaq ah, ee hadalkay Eebe ka dib iyo
aayaadkiisa rumayn. (7) halaagna wuxuu u
sugnaaday beenaale dambi badan dhammaantiis. (8) oo
maqli aayaadka Eebe oo la akhrin haddana daa'ima gaalnimo, isagoo iskibrin
sidii isagoon maqlin, ugu bishaaree cadaab daran. (9)
markuu ogaado aayaadkanaga wax ka mid ah wuxuu ka yeeshaa jees-jees, kuwaasina
waxaa u sugnaaday cadaab wax dulleeya. (10) waxaa koobi
«kana dambeysa» Naarta Jahannamo, waxna uma taro waxay kasbadeen, iyo waxay ka
yeesheen Eebe ka sokow owliyo, waxayna mudan Cadaab wayn. (11)
Quraankani waa hanuun, kuwii ka gaaloobay aayaadka Eebehoodna waxaa u sugnaaday
Cadaab xumaan daran. (12) Eebe waa kan idiinfududeeyey
Badda say ugu socoto Doonnidu «iyo Markabku» dhexdiisa amarka Eebe, iyo inaad
gaadhaan Fadligiisa iyo inaad ku mahadisaan. (13)
wuxuu idiin fududeeyey waxa ku sugan samooyinka iyo Dhulka Dhammaan xagiisay ka
ahaadeen, arrintaasna waxa ugu sugan aayaad ciddii fikiri. (14)
waxaad u dhahdaa kuwa rumeeyey u dhaafa kuwaan ka yaabayn ciqaabta Eebe si uu
uga abaal mariyo qoom waxay kasbadeen. (15) ruuxii camal
fiicanfala Naftiisuu u falay, ruuxii Xumaan sameeyana waxay uun dhibhi Naftiisa
markaas xagga Eebe uunbaa laydiin celin. (16) dhab ahaanbaan
u siinay ree Binii Israa'iil Kitaabka iyo Xukun iyo Nabinimo, waxaana ku
arzuqnay wax wanaagsan, waxaana ka fadillay Caalamkii (markaas). (17) waxaana siinay
xujooyin ka mid ah amar, ismana khilaafin, inta cilmi u yimid ka dib mooyee,
waxayna u diideen Xasad iyo Dulmi, dhexdooda ah, Eebahaana wuu kala xukumi
dhexdooda Malinta Qiyaame waxay isku khilaafsanyihiin. (18)
waxaana ku yeellay waddo amarka Diinta ah, Ee raac, hana raacin hawada kuwaan
wax ogayn. (19) iyagu kaagama taraan Eebe xagiisa waxba,
Daalimiintana qaarkood wuxuu u yahay sokeeye qaarka kale, Eebana waa u wali
kuwa dhawrsada. (20) kaasi waa (Quraanku) waa aragti (Nuurka) Dadka iyo hanuun iyo Naxariis ciddii waxyaqiinsan. (21) mise waxay umaleeyeen kuwii kashaday xumaanta inaan kayeeleyno
kuwa xaqa rumeeyey ee camal fiican falay oo kale, nolol iyo geeriba, waxaa xun
waxay xukumi. (22) Eebaa u abuuray samooyinka iyo
Dhulka, xaq iyo in laga abaalmariyo Naf walba waxay kasbatay, lamana dulmiyo. (23) ka waran ruux ka yeeshay ilaahiisa hawadiisa, oo Eebe
dhumiyey isagoo cilmi leh, oo daboolay maqalkiisa iyo qalbigiisa, yelayna
aragiisa dabool, yaa hanuunin Eebe kadib, miyaydaan wax xusuusanayn. (24) waxay dheheen Gaaladii wax kale ma jiro ee waa uun
nolashanada dhaw, waana dhimaneynaa qaarna noolaan, waxaan waqtiga ahayna nama
dilo, wax ogaansho ahna uma leh arrintaas waxaan male ahayna kuma socdaan. (25) marka lagu akhriyo korkooda aayaadkanaga oo cad wax
xuja ah ma helaan oon ahayn noo keena aabbayowganno haddaad run sheegaysaan. (26) waxaad dhahdaa Eebaa idin nooleeya idina dili, idinna
kulmin Maalinta Qiyaame shakina ma leh, laakiin Dadka badankiis ma oga. (27) Eebaa iska leh xukunka samooyinka iyo Dhulka, Maalintay
kacdo Saacadda Qiyaame maalintaasay Khasaari xumaanlowgu. (28)
waxaadna arki umad kastoo Lawyahay ku fadhida Qiyaamada, Umad kastana waxaa
loogu yeedhi Kitaabkii «camalkeeda» Maalintaas waxaa laydiinka abaalmarin
waxaad camalfaleyseen. (29) kani waa
Kitaabkanagii wuxuuna ku hadli xaq korkiina, annaguna waan qoraynay waxaad camal
falaysaan. (30) kuwa xaqa rumeeyey oo camal fiican
falay wuxuu galin Eebahood Naxariistiisa, taasina waa liibaan wayn. (31) kuwa Gaaloobayse waxaa lagu dhihi miyeyna ahayn
aayaadkeyga kuwa korkiina lagu akhriyo ood iskibriseen noqoteen qoom dambi
falayaal ah. (32) marka la dhaho yabooha Eebe waa
xaq, Saacadda (Qiyaamana)
shaki ma leh, waxaad dhahdaan ma naqaan Saacadda (qiyaame) waannu uun malayn mase yaqiinsanin. (33)
waxaa u muuqan Gaalada xumaantay camalfaleen (Ciqaabteedi) waxaana koobi waxay ku jees jeesi jireen (ciqaabtiisii). (34) waxaana loo dhihi Maanta (Qiyaamada) waanu idinka tagi (idinko cadaaban) sidaad u halmaanteen la kulanka Maalintiinan, Hooygiinuna
waa Naar wax idiin gargaarana ma jiro. (35) Arrintaasna
waxaa ugu waxan inaad ka yeelateen aayaadka Eebe Jees jees, idinna dhagartay
nolosha dhaw (ee adduun)
Maanta Qiyaamada lagama bixiyo Naarta, cudurdaarna lama warsado. (36) mahad Eebaa iskaleh Eebaha Samooyinka iyo Dhulka,
Eebaha caalamkana ah. (37) waxaana u
sugnaatay waynida Samooyinka iyo Dhulka dhexdiisa, waana adkaade falsan.